په کندهارکي د قرآن سوځوني اويوشمېرنوروديني اومذهبي کتابونو د بې حرمتۍ په ارتباط يوه پراخه غونډه جوړه سوه چي پکښي کندهار والي، د ولايت مقام مرستيال، د ملي امنيت رئيس، د سولي ولايتي شورارئيس،دحج و اوقافو رئيس، دعلماؤشورا رئيس، د خرقې مطهرې او امام بارګاه خطيبانو،دکندهارښاردلسګونه مسجدونواوجامع ګانومشرانواودرسنيولسګونواستازوبرخه اخستې وه.

نن سهار دلسو بجو په شاوخوا کي په کندهار ښار کي دسوي موټر بمي چاودني له امله څلورو تنو ته مرګ ژوبله واوښته.

بريد دکندهار ولايت مقام او کندهارښاروالۍ سره نژدې دمزليانو سراى اړوند پرڅلورمي امنيتي حوزې ترسره سوه،چي دکندهارښار شاوخوا ګڼي سيمي يې هم ولړزولې.

دکندهارولايت مقام ددفتر رئيس زلمي ايوبي کندهارنيوزته وويل،چي په چاودنه کي پوليسواو ملکي وګړو په ګډون څلورو تنو ته مرګ ژوبله اوښتې ده.

هغه زياته کړه،چي په وژل سوو کي يوپوليس اوپه ژوبل کي يوپوليس او دوه ملکي وګړي شامل دي.

بلخوا دکندهار دميرويس روغتون نوکريوال ډاکټر،چي نه يې غوښتل نوم يې واخيستل سوي کندهارنيوز ته وويل،چي دپيښي له ځآيه ورته يووژل سوى پوليس او ديوه پوليس په ګډون يې دوه ملکي وګړي ور وړل سوي دي،خو هغه يې دروغتيايي حالت په اړه معلومات ورنه کړل.

ديادوني وړده،چي دمزليانو په نوم سراى ،چي نن پکښي درنه موټر بم چاودنه وسوه تېرکال يوسوداګريزمارکيټ و،چي هره ورځ به سلګونو کسانو پکښي خپل کاروبار ترسره کاوه،خو په هغه کال ديادي سيمي څخه بل ځاى ته ولېږدول سو،چي په نننۍ چاودنه کي يې دزياتي مرګ ژوبلي مخه ونيول.

دکندهار ولايت دژړۍ ولسوال نيازمحمد سرحدي نن سهار دلسو بجو په شاوخوا کي ديوه وسله وال بريد روغ ووت ،خو يو ساتونکي يې سخت ژوبل سو.دژړۍ ولسوال نيازمحمد سرحدي وويل،چي بريد دکندهار _ هرات دلاري په اوږدو کي دماکوانو په سيمه کي هغه مهال پر ترسره سو، کله چي ولسوالۍ په لاره و.هغه زياته کړه،چي دبريد پرمهال ورته زيان نه دى رسېدلى ،خو يو ساتونکي يې سخت ژوبل سوى او وروسته دايساف ځواکونو له لوري روغتون لېږدول سوى دى.ولسوال وويل،چي دبريد وروسته يې په سيمه کي دملي اردو او پوليسو له لوري سيمه تر عملياتو لاندي راوستل ،چي پايله کي يې اووه مشکوک کسان نيولي او دامهال ترې څېړني رواني دي.ديادوني وړده،چي کابو يوه مياشت وړاندي هم دژړۍ ولسوال دکندهار ښار اړوند په ميرويس ميني سيمي کي ديوه وسله وال بريد روغ وتلى و،خو يوه بريدکوونکى يې نيول سوى و.

دکندهاردملي امنيت کارکوونکوددرو وسله والومخالفينو په ګډون دوه لس کلن کوچنيان،چي ځانمرګي بريدونو ته چمتو سوه وه نيولي دي.

دملي امنيت چارواکي وايي،چي په نيول سووکسانوکي دوه کوچنيان په ديني مدرسه کي دزده کړوپرمهال دځانمرګي بريدلپاره چمتوسوي وه.

دغه دوه کوچنيان دلسوکلونوپه شاوخواکي عمرلري يودپاکستان دکوئټيې ښار دپښين سيمي او دوهم تن دپکتيا دکردېز ښار اوسېدونکى ،چي څه موده وړاندي دافغان ولسمشر حامد کرزي له لوري ورته بخښنه سوې وه .

دنصيب الله نوم دپښين سيمي اوسېدونکي وايي،چي ددولت وسله والو مخالفينو تېرايستلى دي.

دځانمرګي بريدلپاره دوهم چمتوسوى کوچني،چي خپل نوم يې عزيزالله ښوده وويل،چي وسله والو مخالفينو ته وويل،چي دځانمرګي بريد وروسته بيا هم تاته زيان نه رسيږي.

دملي امنيت کارکوونکو همداشان ددولت درې تنه نور هغه وسله وال مخالفين هم رسنيو ته وښودل،چي دکلونو راهيسي يې دافغان او بهرنيو ځواکو نو پرضد په ماين چاودنو او وسله والو بريدونو کي لاس درلود.

ياد کسان ،چي دکندهار دپنجوايي او ارغسان ولسوالۍ  او دهلمند ولايت اوسېدونکي دي دامهال دکندهارښار په نهمه ناحيه کي نيول سوي دي.

ديادوني وړده،چي ديادو کسانو سره دځانمرګو بريدونو دواسکټونو په شمول ګڼي وسلې او چاودېدونکي توکي هم نيولي سوي دي.

په کندهارکی دوه تنه ماین ښخوونکی دسرحدی پولیسولخواووژل سول 

دغه پیښه دکندهاردمعروف اودزابل دشملزوولسوالیوترمنځ تیره شپه رامنځ ته سویده .

دکندهاردوالی ویاندزلمی ایوبی وایی نوموړوکسانوغوښتل چی پرلویه

لارکورنیواوباندنیوځواکونوته ماینونه ښخ کړی چی دپولیسولخواووژل سول .

ویاندوایی چی له دوی څخه یومیل کلاشنکوف او۵کړی ماینونه هم ترلاسه سوی دی .