په كندهار كې د ترافيكي پېښي له امله پنځه تنه ووژل شوه او درې نور ټپيان شوه .
پېښه تېره ورځ ناوخته د كندهار ښار – سپين بولدك ولسوالۍ پر لاره د تخته پل ولسوالۍ په مربوطاتو كې د دوو تيز رفتاره او يوه باربري موټر د جنګېدو له امله رامنځ ته شوې ده .
د كندهار د ترافيكو د امريت د حادثاتو د څانګي مسوول حاجي محمد نبي وايي چې مړي او ټپيان ټول د پاخه عمر كسان دي او ټپيان دا مهال په ميرويس روغتون كې تر درملني لاندي دي .
حاجي محمدنبي وويل چې پېښه د باربري موټر د بې غورۍ له امله رامنځ ته شوې ده او ددې موټر چلوونكى پړ هم وو چې د ترافيك پوليسو له لوري نيول شوى دى او دا مهال تر نظارت لاندي دى .