د پوليسو او ايساف سرتيروترمنځ تېره ورځ دکندهارپه سپين بولدک ولسوالي کي لومړى لفظي شخړه او وورسته وسلواله نښته رامنځ ته سوې چي په پايله کي يې دايساف څلوروتنوته مرګ ژوبله اوښتې ده.

دکندهارولايت مقام څخه خپره سوي خپرپاڼه وايي نښته تېره ورځ ماځيګرمهال دسپين بولدک ولسوالۍ اړوند درباط په سيمه کي هغه مهال رامنځ ته سوه کله چي پوليسواوايساف سرتيرو په ګډه د سيمي په يوه ښوونځي کي له زدکوونکو سره د قرطاسيې مرسته کوله.

خبرپاڼه زياتوي دتيري ورځي په نښته کي د ايساف يو سرتيرى چي د البانيا هيواد سره تړاو لري وژل سوى، دوه نور البانيان او يو بل امريکايي سرتيرى زخميان سوي دي.

په ياده نښته کي پوليسوته کوم ډول مالي اوځاني زيان نه دى اوښتى، خو وروسته په پېښه کي شامل پوليس دنوروپوليسو لخوا نيول سوي دي.