له دې کسانوسره ١٢ميله کلاشنکوف،١ميل پيکا،يو ميل راکټ انداز، ٢ ميله توپنچې، ١٤ عدده د کلاشنکوف شاژورونه، ٢ عدده دوربينونه، ٢ کړۍ لاسي بمونه او يو شمېر نور مهمات هم د ملي امنيت رياست د منسوبينو لاسته ورغلي دي.

نيول سوي کسان نن غرمه دملي امنيت په رياست کي خبريالانو ته وښودل سول چي ټولو يې له رسنيو سره د خبرو پرمهال پر خپلو کړنو او جرمونو اعترافونه هم وکړل.

د دولتي مامورينو او قومي مشرانو د وژونکي پنځه کسيزي ډلي قومندان ملا عبدالمتين له رسنيو سره په خبرو کي وويل چي په ښار او ولسواليوکي يې دپوليسو، دولتي مامورنيو او قومي مشرانو د ترور لپاره ګڼ بريدونه کړي چي په څو هغو کي يې بريالي سوي او په نتيجه کي قومي مشران او ملي پوليس وژل سوي دي.